التومية، والطحينة
الثومية بطريقة المطاعم
دايما بنحب نعملها زى ما بناكلها فى المطاعم السورى ومش دايما بتظبط معانا فى البيت، فى ناس بتحط عليها بياض بيض أو بيض كامل، أو زبادى، أو مايونيز، وحاجات تانية كتير، كل ده جميل لو هنعملها فى البيت وحبينا نرفع من قيمتها الغذائية ونديها طعم مختلف.لكن اليوم نذكر لكم أسهل طريقة بأسهل مقادير واللى بتستخدمها المطاعم تحديداً، وهتديكم أفضل نتيجة بإذن الله.
أولا كل ١٠٠ ملم ماء، يحتاج معنا معلقة كبيرة من النشا، بمعنى أن الكوب (٢٥٠ ملم)، نضيف عليه ملعقتين ونصف من النشا.
طريقة عمل التومية
مقادير التومية
ملعقتان كبيرتان ونصف نشا.
نصف ليمونة.
ملعقة صغيرة خل.
نصف ملعقة صغيرة ملح.
نصف كوب زيت (حوالى ١٢٥ ملم).
ثلاث فصوص ثوم مقطعين شرائح.
طريقة تحضير التومية
* نضع جزء من الماء فى إناء على النار (حوالى تلتين الكمية)، وندوب النشا على البارد فى التلت الباقى.* أول ما الماء يغلى نضيف عليه النشا، ونقلب بالمضرب السلك بحركة سريعة لغاية ما أحصل على قوام تقيل جداً ولونه شفاف.
* نطفئ النار، ونتركه حتى يبرد تماماً.
* بعد ذلك نضع الخليط السابق في الخلاط (بعد أن أصبح مثل قطعه الجيلاتين).
* ثم نضيف عليه عصير نصف ليمونة، ونضيف ملعقة الخل ونص ملعقة الملح، والثوم، ونشغل الخلاط لغاية ما الخليط يتحول للسائل.
* بعدها نضيف الزيت سرسوب شوية بشوية من فتحة الخلاط العليا حتى نحصل على القوام واللون المطلوب.
* هتطلع معانا لونها أبيض فاتح جداً وقوامها مظبوط وطعمها أحلى بكتير من بره وكمية كبيرة كمان.
طريقة حفظ التومية
يتم حفظها فى برطمان فى التلاجة ونأخذ منها حسب الاستعمال وممكن تفضل لحد أسبوع طازة.الطحينة فى البيت بطريقة صحيحة
مقادير الطحينة
ثلاثة أكواب سمسم أبيض (يفضل البلدى).نصف كوب فول سوداني مقشر (اختيارى).
كوب زيت نباتي عادى (نوع جيد).
طريقة تحضير الطحينة
* أول خطوة نغسل السمسم (إذا إحتاج الأمر)، ويفضل أن نشتري سمسم نضيف، وننقعه فى الميه فى وعاء عميق ونقلبه كويس ونتركه لمدة خمس دقايق، وبعدين نصفيه كويس بالمصفاة السلك، ونتركه فى المصفاة لمدة عشر دقايق.ملحوظة
لو السمسم جاهز ونضيف (مش محتاجين نغسله) وكده بتكون كمان نتيجته أفضل.
* نسخن طاسة أو صينية على نار متوسطة وهننزل فيها بالسمسم ونهدى النار خالص ونستمر فى التقليب باستمرار؛ حتى نخرج منه الرطوبة وينشف ويبتدى الزيت بتاعه يخرج.
* نخلى بالنا النار تكون هادية جداً (ما يتحمصش)، وأول ما يجف تماماً و ياخد لون دهبى فاتح جداً مائل للبياض ويبتدى يلمع نتيجة نزول الزيت نطفى النار على طول.
* وفي الفود بروسيسور، أو المطحنة نقوم بطحن الفول السوداني كويس جداً.
* بعدها نبدأ نضيف السمسم شوية بشوية ونضيف معاه نص كوب الزيت ونطحن كويس جداً، حتى يصبح الخليط شبه العجينة تقريباً.
* نأخذ الخليط على الخلاط الكهربائي ونضيف عليه باقى كمية الزيت ونتابع الخليط لو احتاج شوية زيت تانى نضيف سرسوب من فتحة الخلاط شوية بشوية لغاية ما أوصل للقوام الناعم المظبوط.
ملحوظة
فى ناس بتحب تضيف دقيق عشان تزود الكمية وتربط القوام، لو حابين تعملوا كده يبقى مقدار الدقيق ملعقة كبيرة دقيق على شفشق الخلاط، ويفضل إضافة الدقيق مع السمسم على النار منذ البداية مع تقليبه على النار حتى نحصل على طعم أفضل.
* نضيف فى الآخر نص ملعقة صغيرة ملح (للحفظ)، ونخلطها كويس جداً.
ملحوظة
القوام النهائي بعد الخلط بيكون خفيف شوية نتيجة ارتفاع حرارة الخليط أثناء عملية الخفق ، وكل ما تبرد الطحينة ويعدى عليها الوقت تبقى أتقل ومظبوطة.
ملاحظات هامة
* اختيار نوع السمسم ونوع الزيت هما أساس طعم الطحينة.
* عندما نشترى السمسم يجب أن نتذوقه أولاً، (مانختارش السمسم المر ولا اللى فيه شوائب أو رمل ، ونختار اللى لونه فاتح).
* الزيت لازم يكون زيت نقى وريحته حلوة عشان بيفرق كتير فى الطعم.
إرسال تعليق
مرحباً بكم، يسعدنا تواجدكم
إذا كان لديكم استفسارات، فنحن دائما نسعى إلى مدكم بالمعلومة كاملة.
وسوف يتم الرد على كل أسئلتكم.