الكوسة، فوائد الكوسة، وأضرارها

طريقة عمل البانيه والطحال

البانيه بدون بيض ولبن

مقادير كيلو من شرايح صدور البانية

مقادير تتبيلة البانيه

عصير اتنين بصلة كبيرة (متصفية تماما من التفل).
توم وبصل بودرة.
خل وسكر وملح وفلفل ومستردة.
شطة حسب الرغبة.
ولو عايزين طعم مميز زى المطاعم ممكن تضيفوا مكعب مرق بودر أو مفروم.

مقادير الخلطة الجافة (البريدينج):

لتر مية ساقعة بتلج.
كوبان من الدقيق.
ملعقة صغيرة نشا.
ملعقة صغيرة بيكينج بودر.
ملعقتان كبيرتان بصل بودرة.
ملعقة كبيرة توم بودرة.
ملعقة كبيرة بابريكا.
ملعقة صغيرة فلفل أسود.
ملح، وشطة (حسب الرغبة).

طريقة تحضير البانيه بدون بيض ولبن

* نضيف على عصير البصل ملعقة كبيرة بصل بودرة، وملعقة صغيرة ثوم بودرة، وملعقة كبيرة خل، وملعقة كبيرة مستردة، وملعقة صغيرة سكر، ونص ملعقة صغيرة فلفل أسود، وملح، وشطة (حسب الرغبة).
* ولو هنضيف مكعب مرق: نسخن ربع كوب ماء وندوب فيه مكعب المرقة ونضيفه على التتبيلة.
* نقلب كله مع بعض الأول حتى تمتزج التوابل والخليط معاً.
* وبعدين نضع البانيه فى كيس تلاجة، ونضيف عليه التتبيلة ونسيبوا فى التلاجة مش أقل من أربع ساعات ونقلبه كل ساعة تقريباً، وكل ما هيقعد أكتر هيبقى طعمه أجمل بكتير.
* ممكن نتركه في التتبيلة لمدة 48 ساعة فى التلاجة.
ملحوظة: مافيش زيت فى التتبيلة الكوفر كده يفك.
* نتبل الدقيق كويس جداً عشان الكوفر يبقى له طعم حلو.
* نخلط كل المكونات على بعض كويس وننزل بالبانية نقلبه كويس فى الخلطة.
* بعدين ننفضه من الدقيق الزيادة وننقعه فى المية المتلجه ثلاث، أو أربع ثوانى، ونرجعه على الخلطة تانى ياخد كام لفه وننفضه بالراحة هيعمل معنا القشور وطبقة جيدة.
ملحوظة: ماينفعش نسيبوا كتير بعد ما نغطيه بالكوفر، بمعنى إن اللى اتغطى يروح على الزيت على طول.
* الزيت غزير على نار عالية لمدة اول دقيقتين وبعدين نهدى النار تكون متوسطة.
* ماننزلش بكمية كبيرة مرة واحده عشان الزيت ما يبردش.
* بتاخود من 8 ل 12 دقيقة حسب سماكة وحجم القطع.

طريقة عمل الطحال المحمر

طريقة تنظيف وسلق الطحال

* نغسل الطحال جيداً بماء، وملح، وخل، ولكن برفق حتى لا يتقطع أو يتضرر.
* ثم نضع ماء على النار فيه ورق لورا، ونتركه حتى يغلي.
* ننزل بالطحال في الماء المغلي لمدة ربع ساعة، حتى يتغير لون الماء إلى الغامق.
* بعد ذلك نصفي الطحال من الماء، ونغسله بماء آخر نظيف لنتخلص من أى زفارة.

طريقة تحضير الطحال

* ونغلي ماء آخر، ونضيف فيه حبهان وقرفة عيدان، وبصلة متقطعة أربعة، وتوابل زى ما نحب وننزله فيها، ونتركه من ساعه ونص لساعتين.
* بعدها نضغط عليه بصباعنا لجوة، لو علم مكانة ومارجعش تانى يبقى استوى.
* نخرجه بره ونسيبه يبرد وبعدين نقطعه شرائح ونحمرة فى سمن.